கட்டிடத் திட்ட அனுமதி

1. கட்டிடத் திட்ட அனுமதி தொடர்பான தகவல்

கட்டுமானப் பணிகள், புனரமைப்புப் பணிகள் அல்லது ஏற்கனவே உள்ள கட்டிடங்களில் மாற்றங்கள் செய்வதற்கு (கூடுதல் பகுதிகளைச் சேர்த்தல் அல்லது மாற்றுதல்) முன்னர் குடியிருப்பு அல்லது வணிகக் கட்டிடத் திட்டங்களுக்கு உள்ளூராட்சி நிறுவனத்திடமிருந்து அனுமதி பெற வேண்டும்.

கட்டுமானப் பணிகள் நிறைவடைந்த பின், சம்பந்தப்பட்ட வளாகத்தைப் பயன்படுத்துவதற்கு முன் இணக்கச் சான்றிதழ் (COC) பெற வேண்டும்.

2. தேவையான ஆவணங்கள்

1. சரியாக நிரப்பப்பட்ட கட்டிடத் திட்ட அனுமதி விண்ணப்பப் படிவம்.
2. சம்பந்தப்பட்ட நிலத்தின் அளவைத்திட்டம் மற்றும் சான்றளிக்கப்பட்ட இரண்டு பிரதிகள்.
3. சம்பந்தப்பட்ட நிலத்தின் பத்திரப் பிரதியொன்று. 2020 ஆம் ஆண்டிற்கு பின் பதிவு செய்யப்பட்டிருந்தால் மாகாண வருவாய் துறையின் முத்திரை இருக்க வேண்டும்.
4. கட்டிடத் திட்டத்தின் மூன்று பிரதிகள். 3000 சதுர அடிக்கு மேற்பட்ட குடியிருப்பு அல்லது வணிகக் கட்டிடங்களுக்கு பட்டயப் பொறியியலாளரின் சான்றிதழ் கட்டாயம்.
5. தேசிய கட்டிட ஆராய்ச்சி நிறுவனம் (NBRO) வழங்கிய நிலத் தகுதி சான்றிதழ்.

2024.12.24 அன்று வெளியிடப்பட்ட 2416/10 இலக்க அதிவிசேட வர்த்தமானி மூலம் நகர அபிவிருத்தி பகுதிகளாக அறிவிக்கப்பட்ட 11 கிராம சேவையாளர் பிரிவுகளுக்கான அனுமதிகள் நகர அபிவிருத்தி அதிகாரச் சட்டத்தின் கீழும், ஏனைய அனைத்து கிராம சேவையாளர் பிரிவுகளுக்கான அனுமதிகள் வீடமைப்பு மற்றும் நகர அபிவிருத்தி கட்டளைச் சட்டத்தின் கீழும் வழங்கப்படும்.

3. அனுமதி வழங்கப்படாத சந்தர்ப்பங்களில்

அனுமதி பெறாத கட்டிடங்களுக்கு கட்டிட எல்லைச் சான்றிதழ், மாற்றமின்மைச் சான்றிதழ் மற்றும் நீர் சான்றிதழ் வழங்கப்படமாட்டாது.

4. கட்டணங்கள்

குறிப்பு: கட்டிடத் திட்ட அனுமதிக்கான பதிவு கட்டணம் கட்டிடத்தின் மொத்த சதுர அடிப்பரப்பின் அடிப்படையில் வசூலிக்கப்படும். மேலதிக தகவல்களுக்கு சபையின் முன்பலகை அலுவலகம் அல்லது சம்பந்தப்பட்ட அலுவலரைத் தொடர்புகொள்ளவும்.